"Барселона" бош мураббийи Хави Эрнандес ярим ҳимоячи Гави жамоани тарк этиши мумкинлиги ҳақидаги миш-мишларга изоҳ берди. Эслатиб ўтамиз, аввалроқ Лондоннинг “Челси” клуби футболчи билан эҳтимолий трансфер борасида музокара ўтказгани ҳақида хабар берилганди.
"Ўйлашимча, Гави "Барселона"дан бошқа жойда бахтли бўлмайди. У жамоа учун фундаментал ва муҳим ўйинчи", - дея хулоса қилди Хави матбуот анжуманида.
Каталония манбаларига кўра, Гави ҳозирда "Барселона"да бахтли ва ўз келажагини фақат ҳозирги жамоасида кўрмоқда. Ярим ҳимоячи Испания чемпионатининг жорий мавсумида битта гол ва голли узатмага эга.
