"Bavariya" yarim himoyachisi Rayan Gravenberx jamoani tark etishi mumkin.
"Liverpul" yarim himoyachiga faol qiziqishni boshladi, shu haftada futbolchining ishlariga mas’ul bo‘lgan otasi bilan uchrashish uchun Niderlandiyaga o‘z vakillarini yubordi, deb xabar beradi Liverpool Echo The Times nashriga tayanib.
Futbolchining narxi 25 million funt (deyarli 28 million yevro)ga baholanmoqda. Uni "Bavariya" 18,5 million yevroga sotib olgandi, bonuslar hisobiga bu summa 24,5 million yevrogacha oshishi mumkin.
20 yoshli Gravenberx joriy mavsumda Bundesligada 18 ta o‘yinda maydonga tushdi.
