"Бавария" ярим ҳимоячиси Райан Гравенберх жамоани тарк этиши мумкин.
"Ливерпуль" ярим ҳимоячига фаол қизиқишни бошлади, шу ҳафтада футболчининг ишларига масъул бўлган отаси билан учрашиш учун Нидерландияга ўз вакилларини юборди, деб хабар беради Liverpool Echo The Times нашрига таяниб.
Футболчининг нархи 25 миллион фунт (деярли 28 миллион евро)га баҳоланмоқда. Уни "Бавария" 18,5 миллион еврога сотиб олганди, бонуслар ҳисобига бу сумма 24,5 миллион еврогача ошиши мумкин.
20 ёшли Гравенберх жорий мавсумда Бундеслигада 18 та ўйинда майдонга тушди.













