"Manchester Siti" hujumchisi Erling Xoland bir mavsumda APLdagi gollari soni bo‘yicha Krishtianu Ronaldu va Luis Suaresni ortda qoldirdi.
Hozirda norvegiyalik futbolchining Angliya chempionatida 32 ta goli bor. Ronaldu va Suares APLda bir mavsumda maksimal 31 ta gol urishgan: “Manchester Yunayted”ning sobiq futbolchisi 2007/08 yilgi Premyer-ligada raqiblar darvozasiga 31 marta aniq zarba bergan, “Liverpul”ning sobiq hujumchisi esa 2013/14 yilgi mavsumda xuddi shu ko‘rsatkichni qayd etgan.
Avvalroq, 22 yoshli Xoland 2017/2018 yilgi mavsumda 32 ta gol urgan Muhammad Salohning rekordini takrorlagani ma’lum bo‘lgandi.
Umuman olganda, hujumchi joriy mavsumda “Manchester Siti” safida barcha turnirlarda 40 o‘yinda 47 ta gol urdi va 6 ta golli uzatmani amalga oshirdi.
