Sadio Mane Bundesligada shanba kuni bo‘lib o‘tgan "Bavariya" o‘yinini o‘tkazib yubordi. Senegallik futbolchi kiyinish xonasida Leroy Sanega musht tushirgani uchun jazolandi. Bu "Manchester Siti"ga qarshi Chempionlar ligasi o‘yinidan keyin sodir bo‘ldi.
Matbuotda Mane irqchilik haqoratiga javoban Saneni urgani haqida ma’lumot paydo bo‘ldi. Bu vaziyatga "Bavariya" sport direktori Xasan Salixamidjich izoh berdi.
“Jurnalistlarning bu bayonotidan xabarimiz bor. Biz Leroy bilan gaplashdik, u bizni bunday gaplarni aytmaganiga aniq ishontirdi. Biz unga ishonamiz. Ikki kun davomida barcha ishtirokchilar bilan gaplashib, vaziyat ustida ishladik. Biz uchun bu masala hal bo‘ldi”, dedi Salixamidjich Sky Germany telekanalida.













