Садио Мане Бундеслигада шанба куни бўлиб ўтган "Бавария" ўйинини ўтказиб юборди. Сенегаллик футболчи кийиниш хонасида Лерой Санега мушт туширгани учун жазоланди. Бу "Манчестер Сити"га қарши Чемпионлар лигаси ўйинидан кейин содир бўлди.
Матбуотда Мане ирқчилик ҳақоратига жавобан Санени ургани ҳақида маълумот пайдо бўлди. Бу вазиятга "Бавария" спорт директори Хасан Салихамиджич изоҳ берди.
“Журналистларнинг бу баёнотидан хабаримиз бор. Биз Лерой билан гаплашдик, у бизни бундай гапларни айтмаганига аниқ ишонтирди. Биз унга ишонамиз. Икки кун давомида барча иштирокчилар билан гаплашиб, вазият устида ишладик. Биз учун бу масала ҳал бўлди”, деди Салихамиджич Sky Germany телеканалида.
