“Real” bosh murabbiyi Karlo Anchelotti La Liganing 29-turi doirasidagi “Kadis” ustidan qozonilgan g‘alaba haqida gapirdi. “Qaymoqranglilar” 2:0 hisobida zafar quchdi.
"Birinchi bo‘limda bizga omadli harakatlar yetishmadi, ammo keyin jamoa yaxshilanib, ajoyib o‘yin ko‘rsatdi. Eng qiyin vaziyatda gol ura oldik. Futbolchilar shijoat va yaxshi kayfiyat ko‘rsatishdi", - deya yozadi Marca gazetasi murabbiyning so‘zlarini.
“Real” 62 ochko jamg‘arib, Ispaniya chempionati turnir jadvalida ikkinchi o‘rinda bormoqda. Anchelotti shogirdlari peshqadam “Barselona”dan o‘n ochko ortda qolmoqda.
