“Реал” бош мураббийи Карло Анчелотти Ла Лиганинг 29-тури доирасидаги “Кадис” устидан қозонилган ғалаба ҳақида гапирди. “Қаймоқранглилар” 2:0 ҳисобида зафар қучди.

"Биринчи бўлимда бизга омадли ҳаракатлар етишмади, аммо кейин жамоа яхшиланиб, ажойиб ўйин кўрсатди. Энг қийин вазиятда гол ура олдик. Футболчилар шижоат ва яхши кайфият кўрсатишди", - дея ёзади Marca газетаси мураббийнинг сўзларини.

“Реал” 62 очко жамғариб, Испания чемпионати турнир жадвалида иккинчи ўринда бормоқда. Анчелотти шогирдлари пешқадам “Барселона”дан ўн очко ортда қолмоқда.