«Manchester Siti» yarim himoyachisi Kalvin Fillips APL navbatdagi turi doirasida «Lester» ustidan qozonilgan g‘alabadan so‘ng (3:1) jamoasi har bir uchrashuvga qanday moslasha olishi haqida gapirdi.
«Shaharliklar» barcha turnirlarda ketma-ket o‘nta uchrashuvda g‘alaba qozonishgan.
«Hech narsa o‘z-o‘zidan sodir bo‘lmaydi, har kuni yaxshiroq bo‘lishga intilamiz. Agar motivasiyamiz tugasa, bizni turtkilaydigan bosh murabbiyimiz bor.
Biz juda yaxshi formadamiz, yigitlar xursand, chunki biz «Arsenal» bilan oradagi farqni 3 ochkoga qisqartirdik va «Bavariya»ga qarshi bo‘lajak o‘yinni intiqlik bilan kutmoqdamiz», — dedi Fillips klub matbuot xizmatiga bergan intervyusida.
