«Манчестер Сити» ярим ҳимоячиси Калвин Филлипс АПЛ навбатдаги тури доирасида «Лестер» устидан қозонилган ғалабадан сўнг (3:1) жамоаси ҳар бир учрашувга қандай мослаша олиши ҳақида гапирди.
«Шаҳарликлар» барча турнирларда кетма-кет ўнта учрашувда ғалаба қозонишган.
«Ҳеч нарса ўз-ўзидан содир бўлмайди, ҳар куни яхшироқ бўлишга интиламиз. Агар мотивациямиз тугаса, бизни турткилайдиган бош мураббийимиз бор.
Биз жуда яхши формадамиз, йигитлар хурсанд, чунки биз «Арсенал» билан орадаги фарқни 3 очкога қисқартирдик ва «Бавария»га қарши бўлажак ўйинни интиқлик билан кутмоқдамиз», — деди Филлипс клуб матбуот хизматига берган интервьюсида.
