Qozog‘iston Premyer Ligasining 6-turida “Ordabasi” va “Tobol” jamoalari 16 aprel, yakshanba kuni o‘zaro to‘qnash keldi.

Uchrashuvning birinchi bo‘limida har ikki jamoa vakillari bittadan to‘p kiritishga erishdi. 72-daqiqada Bobur Abduxoliqov “Ordabasi”ni hisobda oldinga olib chiqdi. Keyinroq maydon egalari yana ikkita to‘p kiritgan holda, hisobni yirik ko‘rinishga olib keldi.

Mazkur bahsda “Ordabasi” safida harakat qilayotgan o‘zbekistonlik futbolchilardan Shahboz Umarov asosiy tarkibda maydonga tushdi, gol muallifiga aylangan Abduxoliqov esa zaxiradan o‘yinga qo‘shildi. “Tobol”ning o‘zbekistonlik legioneri Igor Sergeev ham dastlabki daqiqalardan maydonda harakat qildi.

Mazkur g‘alaba evaziga “Ordabasi” ochkolarini 13 taga yetkazib, 3-o‘ringa ko‘tarildi. “Tobol” 10 ochko bilan 7-pog‘onani band etib turibdi.

Qozog‘iston Premyer Ligasi, 6-tur bahsi
16 aprel, yakshanba
“Ordabasi” – “Tobol” 4:1
Gollar: 1:0 – 21 Tagibergen, 1:1 – 22 Deble, 2:1 – 72 Abduxoliqov, 3:1 – 76 Maliy, 4:1 – 86 Sadovskiy.