"Bavariya" hujumchisi Sadio Mane "Liverpul"ga qaytishni istamoqda, deya xabar beradi Football Insider.
Manba bergan xabarga ko‘ra, hujumchi do‘stlariga "Liverpul"ni sog‘inishini va chindan ham APLga qaytishni istayotganini aytgan.
Avvalroq jurnalist Florian Plettenberg "Bavariya" yozda Sadio Manedan qutulish uchun hamma narsani qilishini aytgandi. Klub bosh murabbiyi Tomas Tuxel uning tizimiga to‘g‘ri kelmagani uchun Mane borasida hech qanday rejalari yo‘q.
Joriy mavsumda Mane barcha turnirlarda 32 ta o‘yinda maydonga tushib, 11 ta gol urdi va 5 ta golli uzatmani amalga oshirdi.