«Brayton» yarim himoyachisi Aleksis Makallister «Manchester Yunayted»ning yozgi transfer maqsadlaridan biri hisoblanadi.

Argentinalik futbolchi yozgi transfer oynasida «Brayton» bilan xayrlashadi va unga Premyer-liga gigantlari allaqachon qiziqish bildirmoqda.

Insayder Fabrisio Romanoning so‘zlariga ko‘ra, «Manchester Yunayted» haqiqatan ham Makallister uchun kurashda yetakchilardan biri.

24 yoshli yarim himoyachini sotib olish «qizil iblislar»ning ajratmoqchi bo‘lgan budjetiga bog‘liq bo‘ladi.

Aleksis Makallister joriy mavsumda «Brayton» safida 30 ta o‘yinda maydonga tushib, 10 ta gol urdi va 2 ta golli uzatmaga mualliflik qilgan.

Transfermarkt ekspertlari uning narxini 42 million yevroga baholamoqda.