«Брайтон» ярим ҳимоячиси Алексис Макаллистер «Манчестер Юнайтед»нинг ёзги трансфер мақсадларидан бири ҳисобланади.

Аргентиналик футболчи ёзги трансфер ойнасида «Брайтон» билан хайрлашади ва унга Премьер-лига гигантлари аллақачон қизиқиш билдирмоқда.

Инсайдер Фабрицио Романонинг сўзларига кўра, «Манчестер Юнайтед» ҳақиқатан ҳам Макаллистер учун курашда етакчилардан бири.

24 ёшли ярим ҳимоячини сотиб олиш «қизил иблислар»нинг ажратмоқчи бўлган буджетига боғлиқ бўлади.

Алексис Макаллистер жорий мавсумда «Брайтон» сафида 30 та ўйинда майдонга тушиб, 10 та гол урди ва 2 та голли узатмага муаллифлик қилган.

Transfermarkt экспертлари унинг нархини 42 миллион еврога баҳоламоқда.