"Manchester Yunayted" bosh murabbiyi Erik ten Xag Angliya Premyer-ligasining 31-turi doirasidagi "Nottingem Forest" ustidan qozonilgan g‘alaba (2:0) haqida fikr bildirdi.

"Bu bizning kuchli o‘yinimiz. Haqiqiy g‘alaba. Agar biror narsani tanqid qila olsam, bu faqat hisob yirik bo‘lishi kerakligi uchun qilaman. 3:0 yoki 4:0 hisobida g‘alaba qozonishimiz kerak edi. Ko‘p vaziyatlarni golga aylantira olmadik.

Qolaversa, gol urib, o‘yinni ertaroq yakunlashimiz kerak. Bu har doim muhim. Muhim uchrashuvlarda ko‘p imkoniyatlar yaratishning iloji bo‘lmaydi, shuning uchun ularni golga aylantirish kerak. Bizga ko‘proq to‘purarlar kerak va men Antonidan mamnunman. U gol urdi va golli uzatmani amalga oshirdi. Uchrashuvning boshlanishi uning uchun unchalik yaxshi bo‘lmadi, ammo keyin o‘yinga kirib, raqibga xavf tug‘dirdi.

Antoni o‘z o‘yinini yanada kuchaytiradi, u yanayam yaxshilanadi. "Everton"ga qarshi o‘yinda u ko‘plab vaziyatlar yaratdi, ammo gol ura olmadi. Shunday ekan, bugun Antoni gol urganidan xursandman. Agar Van-Bissaka uning zarbasini qaytarmaganida, u yana bir gol urishi mumkin edi” - dedi Ten Xag.