"Манчестер Юнайтед" бош мураббийи Эрик тен Хаг Англия Премьер-лигасининг 31-тури доирасидаги "Ноттингем Форест" устидан қозонилган ғалаба (2:0) ҳақида фикр билдирди.

"Бу бизнинг кучли ўйинимиз. Ҳақиқий ғалаба. Агар бирор нарсани танқид қила олсам, бу фақат ҳисоб йирик бўлиши кераклиги учун қиламан. 3:0 ёки 4:0 ҳисобида ғалаба қозонишимиз керак эди. Кўп вазиятларни голга айлантира олмадик.

Қолаверса, гол уриб, ўйинни эртароқ якунлашимиз керак. Бу ҳар доим муҳим. Муҳим учрашувларда кўп имкониятлар яратишнинг иложи бўлмайди, шунинг учун уларни голга айлантириш керак. Бизга кўпроқ тўпурарлар керак ва мен Антонидан мамнунман. У гол урди ва голли узатмани амалга оширди. Учрашувнинг бошланиши унинг учун унчалик яхши бўлмади, аммо кейин ўйинга кириб, рақибга хавф туғдирди.

Антони ўз ўйинини янада кучайтиради, у янаям яхшиланади. "Эвертон"га қарши ўйинда у кўплаб вазиятлар яратди, аммо гол ура олмади. Шундай экан, бугун Антони гол урганидан хурсандман. Агар Ван-Биссака унинг зарбасини қайтармаганида, у яна бир гол уриши мумкин эди” - деди Тен Хаг.