"Manchester Yunayted" Angliya chempionatining 31-turida "Nottingem Forest"ni mag‘lub etdi va gollardan birini klub safidagi 100-uchrashuvini o‘tkazgan portugaliyalik himoyachi Diogu Dalot kiritdi. Qolaversa, bu gol u uchun klub safidagi birinchisi bo‘ldi.
O‘yindan keyin Diogu o‘z his-tuyg‘ularini tasvirlab berdi.
- Qanday baxtli kun! Bu jamoada o‘ynash katta baxt. Bugun xarakter ko‘rsatdik, o‘z uslubimizni ko‘rsatdik, o‘yinni nazorat qildik. Goldan keyin menda his-tuyg‘ular paydo bo‘ldi, bu jamoa uchun birinchi golni urganim uchun emas, balki aynan o‘sha paytda, o‘yinga nuqta qo‘yish uchun kerak bo‘lgani uchun", deya Dalot so‘zlarini keltiradi BBC Sport.
