"Milan" himoyachisi Teo Ernandes "Instagram" ijtimoiy tarmog‘ida o‘g‘li bilan tushgan suratini joylashtirganidan so‘ng bir qancha haqoratomuz fikrlarni oldi.
Sharhlar orasida o‘lim haqidagi tiklar bor edi. "Siz ham o‘lasiz, o‘g‘lingiz ham", "Siz Janluka Vialli (saraton tufayli vafot etgan - muallif) kabi bo‘lasiz". Ba’zi sharhlar neapolliklar lahjasida yozilgan.
Ernandesning jamoadoshi Rafael Leu bunga munosabat bildirdi.
"Afsuski, ijtimoiy tarmoqlar har kim o‘zi xohlagan narsani ayta oladi deb o‘ylaydigan vositadir. Xavotir olmang uka, Xudo doim oilangiz bilan", — deb yozgan Leau.
C Seriyadagi "Peskara" ham o‘z munosabatini bildirdi.
"Qanday qilib odam va uning o‘g‘liga o‘lim tilash mumkin? Sportga hech qanday aloqasi bo‘lmagan sharmandali izohlarga duch kelgan yana bir sportchi Teo Ernandes bilan birdammiz.
O‘yinchiga qaratilgan har qanday haqoratomuz yoki kamsituvchi so‘zlarni qoralash (ular qanday formada bo‘lishidan qat’iy nazar) biz bunga birgalikda qarshi ekanligimizni anglatishi kerak. Ammo biz bu yerda olgan izohlarga qaraganda, unday emas" - dedi Peskara o‘z bayonotida.
"Milan" navbatdagi o‘yinni 18 aprel kuni "Napoli"ga qarshi o‘tkazadi - bu Chempionlar ligasining 1/4 finali doirasidagi o‘yin. Dastlabki o‘yinda “rossonerilar” 1:0 hisobida g‘alaba qozonishgan.
