“Vest Xem” himoyachisi Artur Masuaku to‘liq “Beshiktosh” a’zosiga aylandi. 29 yoshli futbolchi o‘tgan yozdan beri ijara asosida turk jamoasida to‘p tepib kelayotgan edi. Hozirda "burgutlar" Premyer-liga vakilidan Masuakuni sotib olishga qaror qilishdi. London klubi allaqachon Arturning ketishini e’lon qilgan va unga o‘yinlari uchun minnatdorchilik bildirgan.
Transfermarkt portali xabariga ko‘ra, "Beshiktosh" Artur Masuaku uchun 2 million yevro to‘laydi.
Masuaku 2022/2023 yilgi mavsumda chempionat va Turkiya kubogi doirasidagi 27ta o‘yinda ikkita gol va 4ta golli uzatmaga mualliflik qilgan.
