Italiyaning "Milan" jamoasi "Napoli"ni ikki o‘yin natijasiga ko‘ra mag‘lubiyatga uchratib, o‘n olti yil ichida birinchi marta Chempionlar Ligasi yarim finaliga chiqdi. Daniyalik himoyachi Saymon Kyer uchrashuv haqidagi fikrlari bilan o‘rtoqlashdi.
"Muvaffaqiyatga erishamiz degan tuyg‘u bor edi. "Napoli" juda yaxshi jamoa, lekin biz ularni oldin ikki marta mag‘lub etganmiz. Chempionlar ligasi - oldindan aytib bo‘lmaydigan turnir. Bu yerda hamma narsa o‘zgardi. O‘zingiz ko‘rdingiz, avvaliga penaltini noaniq amalga oshirdik, keyin ular ham ura olishmadi. Bunday vaziyatlar o‘yinlarning borishini o‘zgartiradi", - dedi Kyer pianetamilan.it bilan suhbatda.
