Италиянинг "Милан" жамоаси "Наполи"ни икки ўйин натижасига кўра мағлубиятга учратиб, ўн олти йил ичида биринчи марта Чемпионлар Лигаси ярим финалига чиқди. Даниялик ҳимоячи Саймон Кьер учрашув ҳақидаги фикрлари билан ўртоқлашди.

"Муваффақиятга эришамиз деган туйғу бор эди. "Наполи" жуда яхши жамоа, лекин биз уларни олдин икки марта мағлуб этганмиз. Чемпионлар лигаси - олдиндан айтиб бўлмайдиган турнир. Бу ерда ҳамма нарса ўзгарди. Ўзингиз кўрдингиз, аввалига пенальтини ноаниқ амалга оширдик, кейин улар ҳам ура олишмади. Бундай вазиятлар ўйинларнинг боришини ўзгартиради", - деди Кьер pianetamilan.it билан суҳбатда.