"Manchester Yunayted" "Bayer"ning o‘ng qanot himoyachisi Jeremi Frimpongni qo‘lga kiritish yo‘lidagi harakatini davom ettirmoqda. Jurnalist Samuell Lakxyorstning xabariga ko‘ra, "qizil iblislar" yaqinda niderlandiyalik futbolchining vakillari bilan transfer muzokaralarini o‘tkazgan.

Qayd etilishicha, Frimpong "Manchester Yunayted" bosh murabbiyi Erik ten Xagga juda yoqadi, uning fikricha, Jeremi "mankunianliklar" himoyasining o‘ng qanotini kuchaytira oladi. Oldinroq niderlandiyalik futbolchining o‘zi ham o‘tishga ochiq ekani xabar qilingandi.

Frimpong joriy mavsum Germaniya Bundesligasida 8 ta gol urdi va 6 ta golli uzatmani amalga oshirdi. 22 yoshli himoyachi boshqa top-klublar uchun ham qiziq, ammo hozircha bu transfer uchun “Manchester Yunayted” favorit hisoblanadi.