"Манчестер Юнайтед" "Байер"нинг ўнг қанот ҳимоячиси Жереми Фримпонгни қўлга киритиш йўлидаги ҳаракатини давом эттирмоқда. Журналист Самуэлл Лакхёрстнинг хабарига кўра, "қизил иблислар" яқинда нидерландиялик футболчининг вакиллари билан трансфер музокараларини ўтказган.
Қайд этилишича, Фримпонг "Манчестер Юнайтед" бош мураббийи Эрик тен Хагга жуда ёқади, унинг фикрича, Жереми "манкунианликлар" ҳимоясининг ўнг қанотини кучайтира олади. Олдинроқ нидерландиялик футболчининг ўзи ҳам ўтишга очиқ экани хабар қилинганди.
Фримпонг жорий мавсум Германия Бундеслигасида 8 та гол урди ва 6 та голли узатмани амалга оширди. 22 ёшли ҳимоячи бошқа топ-клублар учун ҳам қизиқ, аммо ҳозирча бу трансфер учун “Манчестер Юнайтед” фаворит ҳисобланади.
