O‘zbekiston kubogi 1-turidan o‘rin olgan bahsda "Navbahor" “Olimpiya” mehmoni bo‘ldi. Mazkur bellashuvda tajriba o‘z so‘zini aytib, “lochinlar” yirik 4:1 hisobida g‘alaba qozonishdi.
O‘yindan oldin konsert dasturi va tadbir o‘tkazildi. Tadbirni taniqli sport sharhlovchisi Mirzahakim To‘xtamirzayev olib bordi. Tadbirda Yoshlar siyosati va sport vaziri o‘rinbosari Shahrillo Mahmudov, O‘FA vise-prezidenti Odil Ahmedov va O‘zPFL bosh direktori Diyor Imomxo‘jayevlar ishtirok etishdi.
Bahs borasida to‘xtaladigan bo‘lsak, uchrashuvning 1-bo‘limida ustunlik Samvel Babayan shogirdlari tarafida bo‘lsada, mezbonlar himoyani mustahkam ushlagan holda, tajribali raqibga munosib qarshilik ko‘rsatishga intilishdi. Jumladan, “lochinlar”ning hujumlaridan birida Farrux Ikromovning zarbasidan so‘ng, to‘pni mezbonlar posboni Jahongir Bo‘riyev qaytardi. Namanganliklar tomonidan uyushtirilgan yana bir hujumda esa mezbonlar himoyachisi darvozaga kirib ketayotgan to‘pni qaytarishga muvaffaq bo‘ldi.
Nihoyat, 32-daqiqada “lochinlar” hisobni ochishga muvaffaq bo‘lishdi. O‘sha vaziyatda mezbonlar o‘z jarima maydonchalari ichida Asadbek Sobirjonovga nisbatan qo‘pollik ishlatishgani uchun uchrashuv bosh hakami Akmal Rahimov “Olimpiya” darvozasiga penalti belgiladi. Penaltini esa Shohruz Norxonov aniq amalga oshirib, hisobni ochdi - 0:1.
Natijada "Navbahor" tanaffusga 1:0 hisobidagi g‘alaba bilan chiqib ketdi.
Uchrashuvning 2-bo‘limini faol tarzda boshlagan Samvel Babayan shogirdlari 56-daqiqada hisobdagi farqni oshirishdi. O‘sha vaziyatda Luka Chermelning chap qanotdan uzatgan to‘pini zaxiradan maydonga tushirilgan Temurxo‘ja Abduxoliqov ajoyib zarba bilan darvozaga "mixlab" qo‘ydi - 0:2.
Tajribali raqibga munosib qarshilik ko‘rsatishga intilgan Shavkat Mullajonov shogirdlarining kam sonli hujumlari 78-daqiqada samara berib, Navro‘zbek Iminjonov hisobdagi farqni qisqartirdi – 1:2.
Oradan 3 daqiqa vaqt o‘tar-o‘tmas, “lochinlar” hisobdagi farqni yana oshirishdi. O‘sha vaziyatda zaxiradan mayonag tushirilgan Oston O‘runov mezbonlar darvozaboni Jahongir Bo‘riyev bilan yakkama-yakka vaziyatga chiqqan holda. to‘pni darvozaga aniq yo‘lladi -1:3.
Uchrashuvning hakam tomonidan qo‘shib berilgan vaqtida Oston O‘runov mezbonlar posboni Jahongir Bo‘riyev qaytargan to‘pni darvozaga aniq yo‘llab, o‘z “dubl”ini nishonlagan holda, yakuniyhisobning yirik ko‘rinish olishini ta’minladi - 1:4.
Shu tariqa, tajriba o‘z so‘zini aytib, "Navbahor" kubok bahslarini yirik hisobdagi g‘alaba bilan boshladi.
O‘zbekiston kubogi. “F” guruhi. 1-tur
“Olimpiya” – “Navbahor” - 1:4 (0:1)
19 aprel. ROPSTTM stadioni. Toshkent
Hakamlar: Akmal Rahimov, Sardor Hakimov,Jasur Tursunboyev, Davronbek Akmalov.
Nazoratchi: Aleksandr Popov.
O‘zPFL komissari: Bekzod Aripov.
Gollar: Navro‘zbek Iminjonov (78) - Shohruz Norxonov (32-pen.), Temurxo‘ja Abduxoliqov (56), Oston O‘runov (81,90+2).
“Olimpiya”: 16.Jahongir Bo‘riyev, 4.Behruzjon Jumatov (s), 7.Davron Sulaymonov, 9.Muhammad Mansurov, 17.Abdurahmon Abdullayev, 20. Xusrav Xananov, 22.Samandar Qodirov, 24.Abdulloh Mirkomilov, 29. Behruz Shukurullayev, 30.Navro‘zbek Iminjonov, 66.Behruz Karimov.
Zaxiradagilar: 13.Otabek Tursunpo‘latov, 2Abduvakil Hikmatullayev, 5.SHahriyor Rustambekov, 6.Zafar Bahodirov, 8.Abdulboriy Ma’rufjonov, 10.Oybek O‘rmonjonov, 11.SHohruh Eraliyev, 27.Ozodbek Mamajonov, 77.Abdulvosid Mahmudov.
“Navbahor”: 1.O‘tkir Yusupov (s), 6.Ibrohim Yo‘ldoshev, 9.Farrux Ikromov, 11.SHohruz Norxonov, 17.Abrorbek Ismoilov, 22.Igor Golban, 23.Yovan Jokich, 24.Davronbek Hoshimov, 31.Luka Chermel, 77.Asadbek Sobirjonov, 98.Davronbek Olimjonov.
Zaxiradagilar: 46.Xurshid Xo‘jayev, 7.Oston O‘runov, 10.Jamshid Iskanderov, 14.Jamshid Boltaboyev, 21.Temurxo‘ja Abduxoliqov, 27.SHahboz Jo‘rabekov, 33.SHodiyor Shodiboyev, 69.SHerzodbek Abdulboriyev, 88.Ozodbek O‘ktamov.
