Madridning «Real» klubi yangi o‘ng qanot himoyachisiga qiziqish bildirmoqda.

«Qirollik klubi»ni ko‘plab yulduz o‘yinchilarga da’vogar deb atashadi, ammo ko‘plab manbalarga ko‘ra, madridliklarning transfer bozoridagi asosiy vazifalaridan biri himoyaning o‘ng tomoniga yangi o‘yinchini qo‘lga kiritish bo‘ladi.

Bu ma’lumotni taniqli insayder Fabrisio Romano ham tasdiqladi va u o‘zining podkastida vaziyat haqida gapirdi: «Ayni paytda «Real Madrid» hech qanday ilg‘or muzokaralar olib borayotgani yo‘q, biroq o‘ng qanot himoyachisi bilan yaqin kelajakda shartnoma imzolanish ehtimoli katta. Bu albatta kuzatib borishga arziydi».