«Benfika» bosh murabbiyi Rojer Shmidt Chempionlar ligasi 1/4 finalining «Inter»ga qarshi javob uchrashuvidan (3:3) so‘ng o‘z fikrlarini bildirib o‘tdi.
Lissabonliklar o‘z maydonida birinchi uchrashuvda mag‘lub bo‘lgandi (0:2), yakunda yarim final yo‘llanmasidan mosuvo bo‘ldi.
«Birinchi o‘tkazib yuborilgan goldan keyin vaziyat juda qiyinlashdi, ammo futbolchilar xarakter ko‘rsatishdi.
Jamoamiz «Inter»ga qarshi ikkita yaxshi o‘yin o‘tkazdi, bu raqib saviyasini hisobga olsak tahsinga sazovor.
Afsuski, hakamning qarorlari bizga qarshi o‘ynadi, lekin bahona qilmaylik. Men futbolchilarimdan qoniqish hosil qildim», dedi Shmidt o‘yindan keyingi matbuot anjumanida.
