«Бенфика» бош мураббийи Рожер Шмидт Чемпионлар лигаси 1/4 финалининг «Интер»га қарши жавоб учрашувидан (3:3) сўнг ўз фикрларини билдириб ўтди.
Лиссабонликлар ўз майдонида биринчи учрашувда мағлуб бўлганди (0:2), якунда ярим финал йўлланмасидан мосуво бўлди.
«Биринчи ўтказиб юборилган голдан кейин вазият жуда қийинлашди, аммо футболчилар характер кўрсатишди.
Жамоамиз «Интер»га қарши иккита яхши ўйин ўтказди, бу рақиб савиясини ҳисобга олсак таҳсинга сазовор.
Афсуски, ҳакамнинг қарорлари бизга қарши ўйнади, лекин баҳона қилмайлик. Мен футболчиларимдан қониқиш ҳосил қилдим», деди Шмидт ўйиндан кейинги матбуот анжуманида.
