«Inter» hujumchisi Lautaro Martines jamoa yarim finalga chiqqanidan so‘ng o‘z taassurotlari bilan o‘rtoqlashdi.
Simone Indzagi shogirdlari «Benfika»ni umumiy 5:3 hisobida mag‘lub etishdi. Bugungi javob o‘yinida jamoalar bir-biriga uchta gol urishdi va Martines «Inter»ning ikkinchi goli muallifiga aylandi.
«Men shunday ajoyib klub vakili ekanligimdan juda xursandman va faxrlanaman. Men barcha mumkin bo‘lgan sovrinlarni yutish uchun futbol o‘ynayman.
«Inter» ko‘p yillardan beri yarim finalda o‘ynamadi va endi biz klubni munosib bo‘lgan joyga qaytarishga muvaffaq bo‘ldik», - dedi Martines.
«Neradzurrilar» yarim finalda «Milan»ga qarshi maydonga tushadi.
