"Chelsi" futbolchilari klub xo‘jayini Todd Boulining jamoaga yangi jalb etilgan Mixail Mudrik vakillarini jamoaning kiyinish xonasiga kirishiga ruxsat berganidan hayratda qolishdi. Bu haqda Daily Mail xabar bermoqda.
Manba bergan xabarga ko‘ra, bu APLning 20-turidan o‘rin olgan "Kristal Pelas"ga (1:0) qarshi o‘yin oldidan sodir bo‘lgan, tanaffus vaqtida Mudrik muxlislarga tanishtirilgan. Qayd etilishicha, kiyinish xonasi “muqaddas” sanaladi, shu bois klub rahbariyatining bu qarori o‘yinga tayyorgarlik ko‘rayotgan futbolchilar uchun kutilmagan bo‘lgan.
Eslatib o‘tamiz, Mudrik shu yilning 15 yanvar kuni "Shaxtyor"dan 70 million yevro + 30 million bonus evaziga "Chelsi"ga o‘tgan edi. “Ko‘klar” tarkibida 22 yoshli ukrainalik futbolchi 12 ta o‘yin o‘tkazib, ikkita golli uzatmani amalga oshirgan.
