Kataloniyaning "Barselona" klubi yaqin orada bir necha hafta oldin shartnomasini kelasi mavsum oxirigacha uzaytirgan himoyachisi Markos Alonso bilan xayrlashmoqchi emas.
Sport xabariga ko‘ra, "ko‘k-anorranglilar" rahbariyati futbolchiga kelasi mavsumda ham umid bog‘lashmoqda. Agar Jordi Alba ketsa, Alonso himoyaning chap qanotida Alexandro Baldega asosiy muqobilga aylanadi.
Eslatib o‘tamiz, Markos bu mavsum himoyaning ham markazida, ham chap qanotida o‘ynadi. Oxirgi ikki o‘yinda himoyachi "Barselona"da foydalanilmagan zaxira futbolchisi bo‘lib qoldi. Alonso jamoaga o‘tgan yozda Londonning "Chelsi" klubidan tekinga kelib qo‘shilgandi.
