Angliya terma jamoasi va "Liverpul" klubining sobiq himoyachisi, hozirda futbol eksperti bo‘lib ishlayotgan Jeymi Karrager "Manchester Yunayted" vingeri Antonini Jeydon Sancho bilan taqqosladi.
“Antoni olti oy ichida Sancho ikki yil ichida qilganidan ko‘ra ko‘proq ish qildi. Biroq, bularning barchasi bilan u Jeydondan ko‘ra ko‘proq tanqidlarga duchor bo‘ldi", deb yozdi Karrager o‘zining ijtimoiy tarmoq sahifasida.
Antoni joriy mavsumda Angliya Premyer-ligasida 18 ta o‘yinda maydonga tushib, 4 ta gol va bitta golli uzatmani amalga oshirdi. Braziliyalik futbolchining shartnomasi 2027 yilning o‘rtalariga qadar tuzilgan va uning transfer narxi 70 million yevroni tashkil qiladi.
