Англия терма жамоаси ва "Ливерпуль" клубининг собиқ ҳимоячиси, ҳозирда футбол эксперти бўлиб ишлаётган Жейми Каррагер "Манчестер Юнайтед" вингери Антонини Жейдон Санчо билан таққослади.
“Антони олти ой ичида Санчо икки йил ичида қилганидан кўра кўпроқ иш қилди. Бироқ, буларнинг барчаси билан у Жейдондан кўра кўпроқ танқидларга дучор бўлди", деб ёзди Каррагер ўзининг ижтимоий тармоқ саҳифасида.
Антони жорий мавсумда Англия Премьер-лигасида 18 та ўйинда майдонга тушиб, 4 та гол ва битта голли узатмани амалга оширди. Бразилиялик футболчининг шартномаси 2027 йилнинг ўрталарига қадар тузилган ва унинг трансфер нархи 70 миллион еврони ташкил қилади.
