Superliga 7-turi doirasida safarda “Buxoro” bilan durang o‘ynagan “Neftchi” klubi bosh murabbiyi Vitaliy Levchenko durang qoniqtirmagani va raqib o‘yinini muhokama qilmasligi, Baqoyevning uslubi va “Neftchi” yuqori o‘rinlar uchun kurashayotganini haqida fikr bildirdi.
“Raqib hozir musobaqada pastroqda borayotgani bois, bugun hujumkor o‘ynashlari va oldinga tashlanishini bilardik. Buni jadvaldagi o‘rinlari taqozo etardi. Raqibga jarima maydonchamiz ichida imkon bermaslik kerak edi. Yakunda ikki ochko yo‘qotdik.
Bugun biz g‘alaba qozonishni maqsad qilgan edik. Durang qoniqtirmaydi. Uch ochko uchun o‘ynadik. Turnir jadvalidagi o‘rnimizdan kelib chiqib aytishim mumkinki, shunchaki tasodif tufayli yuqori o‘rinlarda bormayapmiz. Demak, biz yuqori o‘rinlar uchun kurashmoqdamiz.
Baqoyeyvning jamoalari o‘yin uslubini bilaman. Uning jamoalari kurashlarga boy o‘yin ko‘rsatadi. Odatda juda agressiv va vertikal futbol o‘ynashadi. Bugun ham aynan shunday o‘yin kutgan edik. Ammo, natija bunday ko‘rinish olishini kutmagan edik”, – dedi Levchenko.
