Суперлига 7-тури доирасида сафарда “Бухоро” билан дуранг ўйнаган “Нефтчи” клуби бош мураббийи Виталий Левченко дуранг қониқтирмагани ва рақиб ўйинини муҳокама қилмаслиги, Бақоевнинг услуби ва “Нефтчи” юқори ўринлар учун курашаётганини ҳақида фикр билдирди.

“Рақиб ҳозир мусобақада пастроқда бораётгани боис, бугун ҳужумкор ўйнашлари ва олдинга ташланишини билардик. Буни жадвалдаги ўринлари тақозо этарди. Рақибга жарима майдончамиз ичида имкон бермаслик керак эди. Якунда икки очко йўқотдик.

Бугун биз ғалаба қозонишни мақсад қилган эдик. Дуранг қониқтирмайди. Уч очко учун ўйнадик. Турнир жадвалидаги ўрнимиздан келиб чиқиб айтишим мумкинки, шунчаки тасодиф туфайли юқори ўринларда бормаяпмиз. Демак, биз юқори ўринлар учун курашмоқдамиз.

Бақоейвнинг жамоалари ўйин услубини биламан. Унинг жамоалари курашларга бой ўйин кўрсатади. Одатда жуда агрессив ва вертикал футбол ўйнашади. Бугун ҳам айнан шундай ўйин кутган эдик. Аммо, натижа бундай кўриниш олишини кутмаган эдик”, – деди Левченко.