"Atletiko Madrid" bosh murabbiyi Diyego Simeone "Barselona"ning Xavi Ernandes qo‘l ostida erishgan yutuqlarini yuqori baholadi. La Liganing joriy o‘yinlari yakunlanishiga 9 tur qolganida “ko‘k-anorranglilar” 2-o‘rindagi jamoadan 11 ochko ilgarilab, turnir jadvalida peshqadamlik qilmoqda.
“Men haqiqiy “Barselona”ni ko‘ryapman, bu menga juda yoqadi. Xavi qo‘l ostida jamoa ancha o‘sdi. Murabbiy sof "Barselona" uslubini ishlatmoqda. O‘yindan-o‘yinga rivojlanish ko‘rinib turibdi, shuning uchun ham ular chempionatda peshqadamlik qilmoqda”, - dedi Simeone ertaga “Kamp Nou”da bo‘lib o‘tadigan “Barselona” bilan uchrashuv oldidan o‘tkazilgan matbuot anjumanida.
