"Manchester Yunayted" bosh murabbiyi Erik ten Xag jamoasining muammosi haqida gapirdi. Niderlandiyalik mutaxassisning fikricha, uning jamoasi psixologik jihatdan o‘yinlarda zaif.
“Biz psixologiya muammosini inkor eta olmaymiz. Jamoamiz o‘yinlar oralig‘ida yaxshi tiklanishi mumkin, ammo o‘yinlar ichida tiklanishimiz qiyin. Bu biz yaxshilashimiz kerak bo‘lgan narsa”, dedi Ten Xag matbuot anjumanida jurnalistlarga.
Eslatib o‘tamiz, payshanba kuni “Manchester Yunayted” “Sevilya”ga 0:3 hisobida imkoniyatni boy berib, Yevropa Ligasidan chiqib ketdi. Erik ten Xag shogirdlari navbatdagi o‘yinini 23 aprel kuni Angliya kubogi doirasida "Brayton"ga qarshi o‘tkazadi.