"Манчестер Юнайтед" бош мураббийи Эрик тен Хаг жамоасининг муаммоси ҳақида гапирди. Нидерландиялик мутахассиснинг фикрича, унинг жамоаси психологик жиҳатдан ўйинларда заиф.
“Биз психология муаммосини инкор эта олмаймиз. Жамоамиз ўйинлар оралиғида яхши тикланиши мумкин, аммо ўйинлар ичида тикланишимиз қийин. Бу биз яхшилашимиз керак бўлган нарса”, деди Тен Хаг матбуот анжуманида журналистларга.
Эслатиб ўтамиз, пайшанба куни “Манчестер Юнайтед” “Севилья”га 0:3 ҳисобида имкониятни бой бериб, Европа Лигасидан чиқиб кетди. Эрик тен Хаг шогирдлари навбатдаги ўйинини 23 апрель куни Англия кубоги доирасида "Брайтон"га қарши ўтказади.