Madridning “Real” klubi Dortmundning “Borussiya” klubi yarim himoyachisi Jud Bellingemning transferiga yaqinlashmoqda. Jurnalist Karlos Karpioning ijtimoiy tarmoqlarda xabar berishicha, 19 yoshli ingliz futbolchisi "Santyago Bernabeu"ga o‘tishga yaqin turibdi.
Eslatib o‘tamiz, Bellingem avvalroq "Chelsi" va "PSJ" variantlaridan voz kechgan edi. "Liverpul" o‘z navbatida futbolchi uchun talab qilinadigan, taxminan 150 million yevroni tashkil etgan tovon pulini to‘lashni istamadi. Angliyalik futbolchiga da’vogarlar "Manchester Siti" va "Real" edi. Manbaga ko‘ra, hozirda “qirollik klubi” poygada peshqadamlik qilmoqda.
Avval xabar qilinganidek, Bellingem "Real Madrid"ning kelayotgan yozdagi asosiy transfer maqsadi hisoblanadi.
