Мадриднинг “Реал” клуби Дортмунднинг “Боруссия” клуби ярим ҳимоячиси Жуд Беллингемнинг трансферига яқинлашмоқда. Журналист Карлос Карпионинг ижтимоий тармоқларда хабар беришича, 19 ёшли инглиз футболчиси "Сантьяго Бернабеу"га ўтишга яқин турибди.
Эслатиб ўтамиз, Беллингем аввалроқ "Челси" ва "ПСЖ" вариантларидан воз кечган эди. "Ливерпуль" ўз навбатида футболчи учун талаб қилинадиган, тахминан 150 миллион еврони ташкил этган товон пулини тўлашни истамади. Англиялик футболчига даъвогарлар "Манчестер Сити" ва "Реал" эди. Манбага кўра, ҳозирда “қироллик клуби” пойгада пешқадамлик қилмоқда.
Аввал хабар қилинганидек, Беллингем "Реал Мадрид"нинг келаётган ёздаги асосий трансфер мақсади ҳисобланади.
