Tomas Tuxel "Bavariya"ning hozirgi formasi uchun javobgarlikni his qilmoqda.
Myunxenliklar bugun Bundesliganing 29-turida “Mayns”ga imkoniyatni boy berdi (1:3). Yangi murabbiy qo‘l ostida 7 o‘yinda 3 ta mag‘lubiyat bor.
“Murabbiy ekanman, jamoada bir kun, bir hafta yoki bir yil bo‘lgan bo‘lsam ham, har doim mas’uliyatni his qilaman. Vaziyatni rahbariyat bilan birgalikda tahlil qilamiz.
Mavsumning ikkinchi yarmida juda ko‘p ochko yo‘qotdik. Butun o‘yin davomida to‘g‘ri o‘ynay olmayapmiz. Turnir jadvali qanday bo‘lishidan qat’iy nazar, yaqin kunlarda intensiv ishlaymiz.
Men, albatta, mas’uliyatni o‘z zimmamga olaman", - dedi "Bavariya" bosh murabbiyi.