Томас Тухель "Бавария"нинг ҳозирги формаси учун жавобгарликни ҳис қилмоқда.

Мюнхенликлар бугун Бундеслиганинг 29-турида “Майнц”га имкониятни бой берди (1:3). Янги мураббий қўл остида 7 ўйинда 3 та мағлубият бор.

“Мураббий эканман, жамоада бир кун, бир ҳафта ёки бир йил бўлган бўлсам ҳам, ҳар доим масъулиятни ҳис қиламан. Вазиятни раҳбарият билан биргаликда таҳлил қиламиз.

Мавсумнинг иккинчи ярмида жуда кўп очко йўқотдик. Бутун ўйин давомида тўғри ўйнай олмаяпмиз. Турнир жадвали қандай бўлишидан қатъий назар, яқин кунларда интенсив ишлаймиз.

Мен, албатта, масъулиятни ўз зиммамга оламан", - деди "Бавария" бош мураббийи.