Hujumchi Lionel Messi ushbu mavsum oxirida "PSJ"ni tark etishi mumkin. Goal.com jurnalistlarining yozishicha, shartnomani uzaytirish bo‘yicha navbatdagi muzokaralar muvaffaqiyatsiz yakunlangan.
Tomonlar bir necha oy muzokara olib borishdi, biroq kelishuvga erisha olishmadi. Yozda 35 yoshli hujumchi erkin agent maqomiga ega bo‘ladi.
Futbolchiga asosiy da’vogarlar kataloniyalik "Barselona" va Saudiyaning "Al-Hilol" klublari bo‘lib turibdi.
Fransiya chempionatining joriy mavsumida Messi 27 ta bahsda qatnashib, 15 ta gol va 15 ta golli uzatmani amalga oshirgan.
