Ҳужумчи Лионель Месси ушбу мавсум охирида "ПСЖ"ни тарк этиши мумкин. Goal.com журналистларининг ёзишича, шартномани узайтириш бўйича навбатдаги музокаралар муваффақиятсиз якунланган.
Томонлар бир неча ой музокара олиб боришди, бироқ келишувга эриша олишмади. Ёзда 35 ёшли ҳужумчи эркин агент мақомига эга бўлади.
Футболчига асосий даъвогарлар каталониялик "Барселона" ва Саудиянинг "Ал-Ҳилол" клублари бўлиб турибди.
Франция чемпионатининг жорий мавсумида Месси 27 та баҳсда қатнашиб, 15 та гол ва 15 та голли узатмани амалга оширган.
