Fransiyaning "PSJ" jamoasi asosiy tarkibiga kira olmagan markaziy yarim himoyachi Karlos Soler Ispaniya chempionatiga qaytishi mumkin. U o‘tgan sentyabr oyida "Valensiya"dan Parijga ko‘chib o‘tgandi.

Todofichajes nashrining xabar berishicha, 26 yoshli futbolchining transferiga Madridning "Atletiko" klubi qiziqish bildirmoqda. "Matraschilar" vakillari allaqachon potensial transfer tafsilotlarini muhokama qilish maqsadida Karlosning agenti bilan muzokaralarga kirishgan. Mumkin bo‘lgan kelishuv summasi 30 million yevroni tashkil qilishi mumkin.

Soler joriy mavsumda 21 ta o‘yinda maydonga tushib, 3 ta gol va 2 ta golli uzatmaga mualliflik qilgan. Uning shartnomasi 2027 yilgacha mo‘ljallangan.