Франциянинг "ПСЖ" жамоаси асосий таркибига кира олмаган марказий ярим ҳимоячи Карлос Солер Испания чемпионатига қайтиши мумкин. У ўтган сентябрь ойида "Валенсия"дан Парижга кўчиб ўтганди.
Todofichajes нашрининг хабар беришича, 26 ёшли футболчининг трансферига Мадриднинг "Атлетико" клуби қизиқиш билдирмоқда. "Матрасчилар" вакиллари аллақачон потенциал трансфер тафсилотларини муҳокама қилиш мақсадида Карлоснинг агенти билан музокараларга киришган. Мумкин бўлган келишув суммаси 30 миллион еврони ташкил қилиши мумкин.
Солер жорий мавсумда 21 та ўйинда майдонга тушиб, 3 та гол ва 2 та голли узатмага муаллифлик қилган. Унинг шартномаси 2027 йилгача мўлжалланган.