"Arsenal"ning sobiq yarim himoyachisi Emmanuel Frimpong londonliklarni "Bavariya" hujumchisi Sadio Mane bilan shartnoma imzolashga chaqirdi.
"Sadio Mane "Arsenal" uchun ajoyib shartnoma bo‘lardi, ayniqsa bizda mavjud bo‘lgan yosh futbolchilar bilan. U qanotlarda ham, hujum markazida ham o‘ynay olardi. Bizda Trossard, Martinelli va Saka kabi o‘yinchilar bor, agar bizda ham Mane bo‘lganida, u bizga qiyin turnirlarda yordam berardi, biz kuchliroq bo‘lardik. Men Maneni "Arsenal" libosida tasavvur qila olaman", - dedi Frimpong.
Oldinroq Mane "Liverpul"ga qaytishni xohlayotgani haqida xabarlar tarqalgan edi.
31 yoshli senegallik joriy mavsumda “Bavariya” safida 34 ta o‘yinda maydonga tushib, 12 ta gol urdi va 5 ta golli uzatmani amalga oshirdi. Shartnoma 2025 yilning yoziga qadar mo‘ljallangan.













