Fransiya chempionatining o‘ttiz ikkinchi turi «Lion» uchun omadsiz o‘tdi, klub o‘z uyida «Marsel»ga mag‘lub bo‘ldi - bu mavsumda ikkinchi marta.

Shunga qaramay, «Lion»ning asosiy to‘purari Aleksandr Lyakazett o‘z ishini uddaladi – u gol urdi.

U «Lion»dan tashqari Londonning «Arsenal» jamoasi va albatta, Fransiya terma jamoasida ham o‘ynagan hamda barcha musobaqalarni inobatga olgan holda futbolchilik faoliyatidagi 300- sermahsul harakatini amalga oshirdi. Ochkolar quyidagicha taqsimlangan - 227 gol va 73 ta golli uzatma.

Keyingi turda «Lion» safarda «Strasburg» bilan o‘ynaydi.