"Brayton" o‘zining rasmiy sayti orqali Evan Fergyuson bilan shartnomani uzaytirganini e’lon qildi.
Yangi shartnomaga ko‘ra, 18 yoshli hujumchi 2027/2028 yilgi mavsum oxirigacha "chaykalar" safida bo‘ladi.
Avvalroq, Evan Fergyusonga "Manchester Yunayted" va "Bavariya" klublari qiziqish bildirishayotgani haqida xabarlar tarqalgandi. Iste’dodli hujumchi joriy mavsumda "Brayton"ning asosiy jamoasi safida 23 o‘yinda 8 ta gol urdi va 4 ta golli uzatmani amalga oshirdi.
Transfermarkt portali mutaxassislari Evan Fergyusonni 10 million yevroga baholamoqda.
"Brayton" hozirda Premyer-liga turnir jadvalida 8-o‘rinni egallab turibdi.
