Bugun Ispaniya chempionatining 31-turiga start berildi. Turning dastlabki o‘yini kutilmagan natija bilan tugadi va unda bir futbolchi tarixiy natija qayd etdi.

Kataloniyaga tashrif buyurgan "Real Madrid" "Jirona" maydonida imkoniyatni boy berib qo‘ydi.

Anchelotti jamoasi kutilganidek o‘yinni faol boshladi. Ammo 12-daqiqada mezbonlar chiroyli hujum tashkil etib, hisobni ochishdi. Kastelyanos bosh bilan yaqin masofadan ishg‘ol qildi. Ushbu futbolchining o‘zi oradan 12 daqiqa o‘tib qarshi hujumda "Real"ni yana jazoladi.

Bahsning 34-daqiqasida Asensioning uzatmasidan keyin Vinisius bosh bilan hisobdagi farqni qisqartirdi.

"Real" ushbu goldan keyin tashabbusni o‘z qo‘liga olib, g‘alabaga intilishi kutilgandi. Ammo yana o‘sha Valentin Kastelyanos ikkinchi taymning 45-soniyasida "Madrid" darvozasi uchinchi golni urib ketdi. Goldan ruhlangan "Jirona" yana xavfli hujumlar tashkil qildi va 62-daqiqada mehmonlar darvozani ishg‘ol qildi. Gol muallifi yana o‘sha Kastelyanos! Poker!

"Real" 85-daqiqada Vinisiusning sa’y-harakatlari evaziga bitta javob to‘pini kiritdi. Ammo qolganida "qaymoqranglilar"da vaqt ham, imkon ham qolmagandi.

Shu tariqa, "Jirona" hamyurti hisoblanmish "Barselona"ning chempionligini tezlashtirib yuboradigan bo‘ldi.

Ispaniya La ligasi, 31-tur
Jirona – Real Madrid 4:2 (2:1)
Gollar: 1:0 – 12 Kastelyanos, 2:0 – 24 Kastelyanos, 2:1 – 34 Vinisius Junior, 3:1 – 46 Kastelyanos, 4:1 – 62 Kastelyanos, 4:2 – 85 Vaskes.
Jirona – Gassaniga, Yan Kouto, Martines, Xuanpe, Bueno, Migel Gutyerres (Xavi, 89), Rikelme (Reynyer, 89), Romeu, Sigankov (Fernandes, 72), Martin (Artero, 90), Kastelyanos (Stuani, 72).
Real Madrid – Lunin, Karvaxal (Vaskes, 79), Ryudiger, Militao, Nacho (Kamavinga, 52), Modrich (Tchuameni, 63), Kroos, Valverde, Asensio, Vinisius Junior, Rodrigo (Mariano Dias, 79).
Ogohlantirishlar: Vinisius Junior (37), Martines (43), Militao (65).