Бугун Испания чемпионатининг 31-турига старт берилди. Турнинг дастлабки ўйини кутилмаган натижа билан тугади ва унда бир футболчи тарихий натижа қайд этди.

Каталонияга ташриф буюрган "Реал Мадрид" "Жирона" майдонида имкониятни бой бериб қўйди.

Анчелотти жамоаси кутилганидек ўйинни фаол бошлади. Аммо 12-дақиқада мезбонлар чиройли ҳужум ташкил этиб, ҳисобни очишди. Кастельянос бош билан яқин масофадан ишғол қилди. Ушбу футболчининг ўзи орадан 12 дақиқа ўтиб қарши ҳужумда "Реал"ни яна жазолади.

Баҳснинг 34-дақиқасида Асенсионинг узатмасидан кейин Винисиус бош билан ҳисобдаги фарқни қисқартирди.

"Реал" ушбу голдан кейин ташаббусни ўз қўлига олиб, ғалабага интилиши кутилганди. Аммо яна ўша Валентин Кастельянос иккинчи таймнинг 45-сониясида "Мадрид" дарвозаси учинчи голни уриб кетди. Голдан руҳланган "Жирона" яна хавфли ҳужумлар ташкил қилди ва 62-дақиқада меҳмонлар дарвозани ишғол қилди. Гол муаллифи яна ўша Кастельянос! Покер!

"Реал" 85-дақиқада Винисиуснинг саъй-ҳаракатлари эвазига битта жавоб тўпини киритди. Аммо қолганида "қаймоқранглилар"да вақт ҳам, имкон ҳам қолмаганди.

Шу тариқа, "Жирона" ҳамюрти ҳисобланмиш "Барселона"нинг чемпионлигини тезлаштириб юборадиган бўлди.

Испания Ла лигаси, 31-тур
Жирона – Реал Мадрид 4:2 (2:1)
Голлар: 1:0 – 12 Кастельянос, 2:0 – 24 Кастельянос, 2:1 – 34 Винисиус Жуниор, 3:1 – 46 Кастельянос, 4:1 – 62 Кастельянос, 4:2 – 85 Васкес.
Жирона – Гассанига, Ян Коуто, Мартинес, Хуанпе, Буэно, Мигель Гутьеррес (Хави, 89), Рикельме (Рейньер, 89), Ромеу, Цыганков (Фернандес, 72), Мартин (Артеро, 90), Кастельянос (Стуани, 72).
Реал Мадрид – Лунин, Карвахаль (Васкес, 79), Рюдигер, Милитао, Начо (Камавинга, 52), Модрич (Тчуамени, 63), Кроос, Вальверде, Асенсио, Винисиус Жуниор, Родриго (Мариано Диас, 79).
Огоҳлантиришлар: Винисиус Жуниор (37), Мартинес (43), Милитао (65).